أول تعليق لـ "صاحبة الفيديو المسيء لفنانات مصر" : «إخوانية إزاي وأنا مطربة وبلبس عريان»

صحيفة المرصد : كشفت المطربة المصرية دينا حسين، حقيقة الفيديو المنتشر عبر مواقع التواصل وأثار جدلاً واسعاً، بسبب الإساءة إلى فنانات مصر.
وقالت دينا خلال مداخلة هاتفية مع برنامج «حضرة المواطن»: "اللي مزعلني إن الفيديو ده أنا نزلته من سنة على صفحتي، وكنت في حالة نفسية صعبة بسبب ما رأيته من بعض الأشخاص في مجال العمل الفني، فنزلت الفيديو على صفحتي، واعترفت باللي جوايا، ومعممتش الكلام".
وأضافت: "بعدها أستاذة ريهام سعيد تواصلت معايا وعملت معاها حلقة في برنامج صبايا الخير، وكانت داعمة ليا وسمعتني، وعدى الموضوع وخلاص، ونزلت بعده كليب بتاعي حياتي، مشيت تاني عادي".
وأكملت: "مرة واحدة وفجأة لقيت قناة الجزيرة منزلة الفيديو بتاعي، وعامل نسبة مشاهدة أكتر من 2 مليون مشاهدة بسرعة جدا، والدنيا مقلوبة عليا وأنا مش فاهمة ليه نزل تاني وليه الموضوع اتفتح معايا مرة تاني".
وأشارت: "قناة الجزيرة قصت الفيديو في حتة معينة بطريقتهم ودخلتني في مشاكل كبيرة، وإن أنا إخوانية، إخوانية إزاي يا جماعة وأنا مطربة وبلبس عريان وعايشة حياتي كل يوم".
واختتمت: "كلمتي الأخيرة للناس، أنا والله مش قصدي ساعتها أسيء لأي حاجة ولا لحد بشخصه، ولا أقدر أجرح في بلدي ولا في المهنة الموسيقية ولا في النقابة ولا فنانين مصر، مصر هي اللي بدعت الفن وهي اللي عملتني، وأنا نقابية منذ 5 سنين".